Biznesi, Ahmetaj: Ligj i ri për thjeshtësimin e procedurave

Ministri i Financave, Arben Ahmetaj ka deklaruar se institucioni i drejtuar prej tij ka në proces një paketë të detajuar të thjeshtësimit të procedurave, që shkojnë në favor të biznesit.

“Javën e ardhshme ligji do t’i sillet Parlamentit dhe besoj se do të kalojë shpejt”, ka thënë Ahmetaj në një deklaratë për mediat.

Shefi i Financave ka bërë me dije se, bizneset e reja të regjistruara kanë një shifër vazhdimisht në rritje, ndërsa ka shtuar se, në fushatën kundër informalitetit MF ka lançuar një spot që tregon rëndësinë e kuponit.