Prezenca e OSBE-së zhvilloi sot një takim informues për përfaqësuesit e shteteve pjesëmarrëse të OSBE-së në Shqipëri, lidhur me zhvillimet e fundit në Reformën Zgjedhore, ku gjatë takimit ambasadori Bernd Borchardt, theksoi se “ka ardhur koha për ta përfunduar Reformën Zgjedhore”.
“Informuam përfaqësuesit e shteteve pjesëmarrëse të OSBE-së në Shqipëri lidhur me zhvillimet e fundit në Reformën Zgjedhore. Me zgjedhjet vendore më pak se 8 muaj larg, “tani është koha për ta përfunduar Reformën Zgjedhore”, tha ambasadori në takimin e sotëm të Grupit Ndërkombëtar të Punës për Zgjedhjet.
Po ashtu, OSBE sqaron se grupi është një forum i përfaqësuesve të shteteve pjesëmarrëse të OSBE-së dhe organizatave të tjera ndërkombëtare në Shqipëri, i cili mblidhet periodikisht përpara zgjedhjeve për të shkëmbyer informacion dhe për të bashkërenduar qëndrimet.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.