BOTËRORI 2026 – Argjentina eliminon Egjiptin me tre gola në fund dhe kalon në çerekfinale

– Argjentina bëri një përmbysje të jashtëzakonshme ndaj Egjiptit, duke fituar 3-2 dhe duke siguruar kalimin në çerekfinalet e Kupës së Botës 2026, sipas “FIFA News”.

Egjipti befasoi kampionët në fuqi duke kaluar i pari në avantazh, në minutën e 15-të me Yasser Ibrahim.

Në pjesën e dytë, Mostafa Zizo shënoi golin e dytë në minutën e 67-të dhe Egjipti u duk shumë pranë një fitoreje historike.

Argjentina pati mundësi të shënonte më herët, por portieri egjiptian bëri disa pritje të rëndësishme, madje ndali edhe një penallti të Lionel Messit.

Megjithatë, në minutat e fundit ndodhi përmbysja e madhe.

Christian Romero shënoi golin e parë për Argjentinën në minutën e 79-të, Lionel Messi barazoi rezultatin në minutën e 84-t, ndërsa Enzo Fernandez shënoi golin e fitores në minutën 90+2.

Me këtë fitore, Argjentina vazhdon mbrojtjen e trofeut dhe në çerekfinale do të përballet me fituesin e ndeshjes Zvicër-Kolumbi.

Rezultati: Argjentinë – Egjipt 3-2
⚽ Golat e Argjentinës: Romero (79’), Messi (84’), Fernandez (90+2’)
⚽ Golat e Egjiptit: Ibrahim (15’), Zizo (67’)

/