BOTËRORI 2026 – FIFA fshin mbi shtatë milionë postime fyese gjatë Kupës së Botës

NJU JORK, 18 korrik /ATSH-DPA/ – FIFA ka bërë të ditur se ka fshirë më shumë se shtatë milionë postime dhe komente potencialisht abuzive në rrjetet sociale gjatë Kupës së Botës, e cila përfundon nesër me finalen mes Spanjës dhe Argjentinës.

Sipas organizmit drejtues të futbollit botëror, ky numër është 14 herë më i lartë se gjatë Botërorit të vitit 2022 në Katar.

Pas atij turneu, FIFA vuri në përdorim një shërbim për mbrojtjen nga abuzimet në internet, i cili është në dispozicion të të gjitha ekipeve, trajnerëve, lojtarëve dhe zyrtarëve.

FIFA njoftoi se ka raportuar më shumë se 200 mijë mesazhe fyese dhe kërcënuese, duke ndërmarrë masat përkatëse.

Gjithashtu, mbi 1 000 kërcënime të cilësuara si veçanërisht të rënda janë referuar pranë autoriteteve kompetente për hetime të mëtejshme.

Kupa e Botës me 48 skuadra, që po zhvillohet në Shtetet e Bashkuara, Meksikë dhe Kanada, nisi më 11 qershor dhe do të mbyllet nesër me finalen mes Spanjës dhe Argjentinës në “MetLife stadium” në Nju Xhersi./  /Ad.Ab./ a.jor.