Britania e Madhe hap një bazë të re ushatarake në Bahrein
Britania e Madhe nënshkroi një marrëveshje me Bahreinin për zhvillimin e pajisjeve të saj ushtarake në vend duke krijuar gjithashtu bazën e parë britanike të përhershme në Lindjen e Mesme që prej vitit 1971, theksoi sot Ministria e Jashtme.
Bahreini është anëtar i koalicionit të drejtuar nga SHBA-ja për kryerjen e sulmeve ajrore në Siri kundër grupit ekstremist të Shtetit Islamik.
”Kjo marrëveshje parashikon riforcimin e bashkëpunimit në luftën kundër kërcënimeve të sigurisë, të pranishme në Lindjen e Mesme”, theksuan ministri britanik i Punëve të Jashtme, Philip Hammond dhe homologu i Bahreinit, sheiku Khaled ben Ahmed ben Mohammed Al Khalifa.
Marrëveshja u nënshkrua në Manama në kuadër të edicionit të 10-të “Dialogu i Manamasë” organizuar nga Instituti ndërkombëtar i studimeve strategjike (IISS).
“Sipas marrëveshjes, Britania e Madhe parashikon riforcimin e pajisjeve ekzistuese në port duke ofruar gjithshtu në Royal Navy një bazë operacionale të avancuar që mundëson stokimin e pajisjeve në kuadër të operacioneve detare dhe strehimin e personelit të Royal Navy”, shtoi i Ministria britanike e Punëve të Jashtme.
“Kjo bazë e re rrit në mënyrë të përhershme praninë e Royal Navy dhe do t’i mundësojë Britanisë së Madhe dërgimin e më shumë anijeve dhe të përmasave më të mëdha me qëllim për të riforcuar stabilitetin në Gjirin Persik”, deklaroi ministri britanik i Mbrojtjes, Michael Fallon.
Ndërtimi i kësaj baze do të kushtojë 15 milionë stërlina (19 milionë euro).
