Butaris: Botëkuptimi se Maqedonia është vetëm greke është shumë i keq

 Kryetari i Selanikut, Yannis Boutaris, mendon se pretendimi se Maqedonia është vetëm greke dhe asgjë më shumë se kjo, është shumë i dëmshëm.

Ai i tha agjencisë greke ANA-MPA, se kur është fjala për zgjidhjen e një problemi të caktuar, është e nevojshme të merren parasysh të gjitha palët e përfshira në mosmarrëveshje.

Ai tha se duhet të mbyllen “tensionet irredentiste në marrëdhëniet me Shkupin”. “Jo vetëm emri. Nëse Kushtetuta e fqinjëve vazhdon të ketë tendenca irredentiste, çështja nuk do të ndryshojë” tha Boutaris.

Në lidhje me protestën në Selanik, Butaris ka përsëritur qëndrimin se ky fenomen nuk ndihmon negociatat dhe nuk e zgjidh problemin.