Çështja e pagave, Rama: KLP dhe KLGJ, dy strukturat që janë fytyra e dështimit të reformës. Kur s’iu mjaftojnë atyre, imagjinoni administratës

Kryeministri Edi Rama ka komentuar çështjen e pagave të anëtarëve të Këshillit të Lartë të Prokurorisë (KLP) dhe Këshillit të Lartë Gjyqësor (KLGJ), duke kritikuar ashpër dy institucionet.

Gjatë fjalës së tij, Rama i cilësoi KLP dhe KLGJ si “fytyra e dështimit” të reformës në drejtësi, në kontrast me institucione si SPAK dhe Gjykata Kushtetuese, të cilat sipas tij përfaqësojnë anën e suksesit të reformës.

Kryeministri argumentoi se nëse pagat e këtyre dy strukturave konsiderohen të pamjaftueshme, pavarësisht se janë disa herë më të larta se pagat në administratën qendrore, atëherë situata bëhet edhe më e vështirë për pjesën tjetër të administratës.

“Paga është gjithmonë e pamjaftueshme kur është e pamjaftueshme për KLP e KLGJ, përfytyroni për të tjerët. Kur KLP dhe KLGJ, dy strukturat që janë fytyra e dështimit të reformës në drejtësi, nëse SPAK, Gjykata Speciale apo disa të tjerë janë fytyra e suksesit, KLP dhe KLGJ janë fytyra e dështimit dhe kur këtyre dy trupave që janë qeverisa e gjyqësorit dhe që në fakt qeverisin gjyqësorin më pak seç qeveriset gjyqësori nga zakonet e vjetra dhe njerëzit mbrapa perdeve, i kanë të pamjaftueshëm pagat që i kanë disa herë më të larta se pagat tona këtu”, tha Rama.