Champions, Simeone: Pa presion, por përgjegjësia është e madhe

“Nuk ka presion, vetëm përgjegjësi dhe një ndjenjë të veçantë.” Diego Simeone po përgatitet për një tjetër gjysmëfinale të Ligës së Kampionëve. Atletico Madridi, pasi eliminoi Barcelonën, përballet me Arsenalin të mërkurën (29 prill) në Ëanda Metropolitano.

Në ditëlindjen e tij të 56-të, trajneri argjentinas u pyet nëse trofeu evropian ishte dhurata më e lakmuar: “Nuk kam dëshira. Jam me fat që kam bijtë e mi, bijat e mia, gruan time dhe nënën time. Kam vetëm arsye për të qenë mirënjohës”, theksoi ai.

“Është e jashtëzakonshme të jesh në një tjetër gjysmëfinale. Është e mrekullueshme. E pabesueshme. Ai besim, ai entuziazëm, ajo energji ngjitëse nga tifozët është e mrekullueshme. Do të përballemi me një kundërshtar të vështirë, të fortë në goditjet standarde, dhe do të shkojmë atje me të gjitha shpresat tona”.

“Të ëndërrosh është e bukur, por realiteti është ai që ndodh në fushë. Emocioni i të qenit afër një qëllimi të madh, një që klubi nuk e ka arritur kurrë. Ne duam të luajmë lojën që kemi në mendje dhe ta çojmë atë në një vend ku mund t’i dëmtojmë ata. Na duhet fati në anën tonë. Duhet të luajmë me intensitet, me stilin tonë të lojës”.