​Çitaku në Komision: Kosova po pret, presim që në Apel të vendoset drejtësia

Nënkryetarja e PDK-së, Vlora Çitaku, është paraqitur sot në Komisionin për Integrime Evropiane me bluzën me mbishkrimin “Kosova po pret”.

Çitaku tha se Kosova po pret drejtësi në Gjykatën e Apelit për katërshen e UÇK-së.

“Mesazhi është pikërisht ky që po shkruan, ‘Kosova po pret’. Dhe ne presim që në Apel të vendoset drejtësia sepse ajo çfarë ka ndodhur më 16 shtator është krim ndaj drejtësisë, është krim ndaj historisë dhe krim i cili ne po besojmë dhe për të cilin po punojmë që të përmirësohet më Apel”, tha Çitaku, raporton KosovaPress.

E pyetur nëse ajo ka informacione nëse është dekretuar Ligji për Specialen nga presidentja Shiroka-Pula, Çitaku u shpreh se “nuk e di”.

Ndryshe, më 16 shtator, në shkallën e parë, Dhomat e Specializuara kanë dënuar ish-krerët e UÇK-së me 81 vjet burgim.

Hashim Thaçi me 25 vjet, Jakup Krasniqi me 25 vjet, Kadri Veseli me 18 vjet dhe Rexhep Selimi me 13 vjet. /KP/