Conan O’Brien rikthehet si prezantues i Oscars 2027

Në rolin e prezantuesit për ceremoninë e 99-të të ndarjes së çmimeve Oscar në vitin 2027 do të rikthehet Conan O’Brien, siç njoftoi Academy of Motion Picture Arts and Sciences, duke konfirmuar vazhdimin e bashkëpunimit të tij me organizimin.

Komediani fitues i çmimeve Emmy ka prezantuar edhe dy ceremonitë e mëparshme, duke marrë komente pozitive për stilin dhe humorin e tij. Në monologun e këtij viti ai bëri shaka duke thënë: “Është nder për mua të jem personi i fundit që prezanton Oscar… vitin tjetër do të jetë një Waymo me smoking.”

Në krah të tij do të jenë Raj Kapoor dhe Katy Mullan, të cilët rikthehen si producentë ekzekutivë. Drejtuesit e Akademisë shprehën besimin e tyre te ekipi dhe entuziazmin për organizimin e ri, duke vlerësuar përvojën dhe kreativitetin e tyre.

Ceremonia e 99-të e ndarjes së çmimeve Oscar do të zhvillohet në Dolby Theatre në Los Angeles më 14 mars 2027 dhe do të transmetohet drejtpërdrejt nga ABC. Kjo do të jetë gjithashtu një nga herët e fundit që ceremonia organizohet në këtë sallë, përpara zhvendosjes në një seli të re duke nisur nga viti 2029.

/tvklan.al