Bashkimi Europian dhe Britania e Madhe arritën një marrëveshje në negociatat e mbajtura në Bruksel mbi angazhimin për të krijuar kushtet për një zgjidhje të mirë për të gjithë për furnizimin e vaksinave antiCovid në mënyrë që të zgjerojnë shpërndarjen e tyre për të gjithë qytetarët tanë, theksohet në një deklaratë të përbashkët BE-BM, lëshuar në Londër.
“Hapja dhe bashkëpunimi global midis të gjitha vendeve do të jetë çelësi për të kapërcyer përfundimisht pandeminë dhe për t’u përgatitur më mirë për t’u përballur me sfidat e ardhshme”, theksuan palët.
Kujtojmë se kryeministri britanik Boris Johnson kishte paralajmëruar BE në lidhje me masat e tij për të vendosur blloqe në eksportet e vaksinave Covid-19.
Ndërsa u pyet nga ligjvënësit në lidhje me trajtimin e qeverisë së tij të krizës së koronavirusit, Johnson u pyet edhe për kontrollet e shtrënguara të vaksinave nga BE.
“Nuk mendoj se bllokimi i vaksinave ose përbërësve të vaksinave ka kuptim dhe mendoj se dëmtimi afatgjatë nga bllokimi mund të jetë shumë i konsiderueshëm”, theksoi dje Johnson.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.