Declan Rice pritet të nisë si titullar, Tuchel përballet me dilema në krahun e djathtë

Declan Rice, që fitoi titullin e Premier League me Arsenalin sezonin e kaluar, pritet të kthehet në formacionin titullar të Anglisë për përballjen e fazës së 32-të kundër DR Kongo.

Raporton bbc se mesfushori 27-vjeçar u pushua në ndeshjen ndaj Panamas pas një goditjeje të fortë në viçkë gjatë barazimit pa gola me Ghanën. Ai nuk arriti të përfundonte të gjithë programin e stërvitjes përpara takimit me Panamën, por ishte në seancën përfundimtare para nisjes për New Jersey dhe pritet të jetë në dispozicion për ndeshjen në Atlanta.

Në mungesë të Rice, trajneri Tuchel kishte nisur ndeshjen me një mesfushë që përfshinte Elliot Anderson dhe Jude Bellingham, por drejtuesi teknik shprehet optimist se Rice mund të rikthehet në 11-shen për raundin e nokautit.

Problemet më serioze për skuadrën mbeten te krahët e mbrojtjes: Reece James mungoi ndaj Panamas pasi pësoi një dëmtim të tendinës së kërcit kundër Ghanës, ndërsa Jarell Quansah, i cili zëvendësoi James në atë rol, është në dyshim për shkak të një lëndimi në kyç. Quansah do të vlerësohet nga stafi mjekësor gjatë 48 orëve të ardhshme, por Tuchel ka pranuar se ka shumë pak kohë që lojtar të jetë gati për mesjavën.

Këto probleme e detyrojnë Tuchelin të marrë vendime të vështira për krahun e djathtë, veçanërisht pasi Tino Livramento ishte larguar më parë nga grumbullimi për shkak të një çështjeje në viçkë. Djed Spence zëvendësoi Quansah ndaj Panamas dhe pritet të fillojë nëse James dhe Quansah nuk rikuperohen, ndërsa një alternativë tjetër e mundshme është të luajë qendërmbrojtësi Ezri Konsa në krahun e djathtë, sipas bbc.