Deputetët francezë votojnë sot për njohjen e shtetit palestinez

Deputetët francezë do të miratojnë sot një rezolutë mbi njohjen e shtetit palestinez, një tekst jo detyrues por me forcë të madhe simbolike, që vjen në  kontekstin e një përtacie ndërkombëtare kundrejt konfliktit izraelo-palestinez.

Në gjurmët e homologëve të tyre britanikë dhe spanjollë, deputetët francezë do të ftojnë qeverinë të njohë zyrtarisht shtetin palestinez, që synon të arrijë një zgjidhje përfundimtare të konfliktit. Kjo rezolutë, e iniciuar nga maxhoranca socialiste dhe që pritet të miratohet gjerësisht pavarësisht kundërshtimit të së djathtës, ka ngjallur zemërimin e Izraelit.

Në fakt për shtetin hebre, njohja e Palestinës para se të zgjidhet konflikti është një gabim i rëndë dhe procedon në një vendim të njëanshëm që vetëm përkeqëson situatën.

Në tetor, Izraelit kishte kritikuar vendimin e Suedisë, që u bë vendi i 135 që njeh zyrtarisht shtetin palestinez.

Iniciativa e deputetëve francezë hyn në një lëvizje më globale në Evropë që konsideron njohjen si një mënyrë për të bërë presion për rifillimin e procesit të paqes dhe të arrihet në zgjidhjen e krijimit të dy shteteve, atij izraelit dhe atij palestines.

Opozita nga ana e saj, pro parimit të një shteti palestinez, dyshoi për mundësinë e një iniciative në një kontekst të nxehtë, dhe paralajmëroi për importimin e konfliktit izraelito-palestinez në Francë, vendi që ka komunitetin më të lartë hebre dhe mysliman në Evropë.