Detaje nga vrasja në Durrës, viktima me precedentë penalë

50-vjeçari Shpëtim Shala është gjetur i vrarë me armë zjarri rreth orës 15:00 në Durrës. Vrasja ka ndodhur në zonën e Plazhit, në sektorin “Iliria”.

Sipas dëshmitarëve të pranishëm në vendin e ngjarjes, viktima është Shpëtim Shala, 50 vjeç i cili është pronar i disa dyqaneve në këtë zonë. Mësohet se 50-vjeçari është gjetur i vrarë në një makinë tip “Volkswagen” 5, i cili ndodhej pranë një lokali, ai është ekzekutuar me tre plumba pistolete.

Policia ndodhet në vendin e ngjarjes dhe ka rrethuar skenën e krimit, ndërkohë që autori nuk është identifikuar ende.

Shpëtim Shala është një emër i njohur për policinë e Durrësit. Sipas bluve të këtij qyteti, Shala ishte me precedentë të mëparshëm penalë, i skeduar më herët për posedim lëndësh narkotike.

Por për këtë procedim Shala kaloi një kalvar 4 vjeçar me gjyqësorin shqiptar por gjithmonë në gjendje të lirë dhe në 2015 Gjykata e Lartë la në fuqi pafajësinë e dhënë nga Apeli i Durrësit dhe pse Prokuroria kish kërkuar dënimin e tij.

Shala rezulton i shoqëruar disa herë nga policia për ngjarje të ndryshme kriminale në Durrës, por asnjëherë përfshirja e tij direkte nuk është faktuar çka ka sjellë lënien e tij të lirë deri më 8 Maj 2016 kur dhe u ekzekutua në lagjen Iliria në plazhin e Durrësit.