‘Do ju shoh në sy e ta votoni…’, Rama paralajmëron ‘të vetët’: Kush fut njerëz në punë, do ndiqet penalisht

Në mbledhjen e sotme të qeverisë, kryeministri Edi Rama ka bërë të qartë se pjesa e mbetur e mandatit, do t’i dedikohet, reformimit të qasjes së shtetit me qytetarët dhe zgjidhjen e problematikave apo pakënaqësive.

Si njërën prej këtyre, Rama ka evidentuar, të menduarit se në administratë punësohen vetëm persona që kanë lidhje apo kontakte me qeveritarë apo zyrtarë.

“Po ndërtojmë me Adean dhe ekipin, një Shkallë të Meritës që nuk është një tjetër portal i administratës, por është një hapësirë për një marrëveshje të shtetit me qytetarët lidhur me karrierën në shtet që fitohet, nuk dhurohet. Nëse një i ri beson se për të hyrë në administratë duhet të njohë dikë, ky është problem. Nëse të gjithë besojnë që sot në administratë hyjnë vetëm ata që kanë një akses politik apo klientelist, kjo është një tragjedi. E vërteta është shumë më e larmishme dhe shumë larg të dy këtyre ekstremeve. Është në mes.