Doshi padit Brahon për shpifje, kërkon 1 euro dëmshpërblim

Dështon seanca pajtimit  në Gjykatën e Lartë mes deputetit të LSI-së, Spartak Braho dhe Tom Doshit. Ky i fundit nuk ka pranuar që të falë Brahon, duke kërkuar vijimin e seancave. Doshi e ka paditur Brahon për shpifje dhe kërkon 1 euro dëmshpërblim.

“Unë nuk pajtohem me shpifës. Reforma e drejtësisë po bëhet nga njerëz si Spartak Braho që kanë vrarë. Do të kthehem që të votoj reformën në drejtësi”, tha ai. Braho kishte bërë kërkesë për shtyrje të seancës, por megjithatë ai ishte i pranishëm. Në sallën e gjyqit ai ka thënë se nuk ka qenë qëndrimi i tij por i LSI-së.