Speca: arrestohet 49-vjeçari që dyshohet se shiste kokainë, u ofroi policëve 20 mijë euro për ta liruar

Policia e Stacionit Policor të Specës arrestoi një 49-vjeçar të huaj në një operacion të koordinuar, i cili, sipas njoftimit të Policisë greke (ELAS), u zhvillua mëngjesin e 26 tetorit 2026, siç njofton NewsOnline, duke cituar ELAS. Ndaj tij u ngrit një dosje për trafikim kokaine, pastrim parash nga veprimtari kriminale dhe tentativë ryshfeti ndaj zyrtarit.

Sipas ELAS, i dyshuari shpërndante kokainë te shumë persona në ishull, duke përdorur një automjet shpërndarjeje të një kompanie dhe një motoçikletë të tijën. Hetimi policor tregoi, sipas autoriteteve, se ai përdorte bileta fituese të kompanive të basteve për të pastruar të ardhurat nga trafiku i drogës.

Gjatë arrestimit, ai dyshohet se u ofroi policëve 20.000 euro për ta lënë të lirë.

Në kontrollet e kryera në banesën e tij dhe në automjete u sekuestruan 22 pako kokainë gati për shpërndarje, 26.542 euro, 15.500 lekë shqiptare dhe 101 dollarë amerikanë, si dhe 12 bileta bastesh me shumë totale të pagueshme 27.097 euro dhe 2 telefona celularë.

Në dosje përfshihen edhe 24 persona të tjerë të akuzuar për posedim droge. Gjatë të njëjtit operacion u arrestua edhe një 22-vjeçar grek, tek i cili u gjetën një grirëse kanabisi dhe një pistoletë me ajër. 49-vjeçari u dërgua te prokurori kompetent.