Duka: Domosdoshmëri rikthimi i normalitetit politik në pushtetin vendor
Partia Agrare Ambientaliste po mbështet kandidatët e opozitës, pasi është domosdoshmëri rikthimi i normalitetit politik në pushtetin vendor i cili drejtohet nga Partia Socialiste në 60 bashki të vendit.
Kështu u shpreh kreu i PAA, Agron Duka gjatë një takimi me strukturat e kësaj force politike në qarkun e Lezhës.
Në fjalën e tij, Duka i quajti anormale kërcënimet e kryeministrit Edi Rama për bllokim të fondeve nëse votohen kandidatët e opozitës.
Ndërsa koordinatori i Partisë Agrare Ambientaliste në qarkun e Lezhës Gjok Jaku, u shpreh i bindur se kjo forcë politike do të arrijë rezultate pozitive në të tre bashkitë e këtij qarku.
Duka tha se, “krahas mbështetjes për kandidatët e opozitës, Partia Agrare Ambientaliste synon përfaqësimin me këshilltarë bashkiakë në 61 bashkitë e vendit”.
