Dy vatra zjarri në Gramsh që prej së enjtes, era e fortë përhap flakët, zjarrfikësit në terren
Dy vatra zjarri janë regjistruar në Gramsh që prej mbrëmjes së së enjtes, në fshatrat Lleshaj dhe Skënderbegas, ndërsa era e fortë dhe terreni i vështirë po e bëjnë të vështirë ndërhyrjen e zjarrfikësve.
Dy vatra zjarri janë regjistruar në Gramsh që prej mbrëmjes së së enjtes, rreth orës 20:00, dhe era e fortë po favorizon përhapjen e flakëve, siç njofton Shqiptarja.com.
Njëra vatër është regjistruar në fshatin Lleshaj, në vendin e quajtur “Lugu i Qafës”, ku flakët kanë përfshirë një sipërfaqe me shkurre.
Vatra tjetër është regjistruar në fshatin Skënderbegas, në vendin e quajtur “Dardhëz”, ku zjarri ka përfshirë një sipërfaqe me pisha.
Zjarrfikësit ndodhen në terren dhe po punojnë për shuarjen e flakëve dhe mbajtjen e tyre nën kontroll, por ndërhyrja e tyre vështirësohet nga era e fortë dhe terreni i vështirë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.