“E dua Milanin njësoj si tim bir. Shpresoj të kenë mësuar nga ajo që ndodhi këtë vit”

Në një intervistë për MilanNews24, Alexandre Pato i është rikthyer edhe njëherë periudhës së artë që kaloi te Milan dhe nuk rresht se treguari dashurinë e madhe që ka për këtë klub.

“Për mua Milan nuk ishte vetëm një klub, ishte dashuri. Jam i dashuruar me Milanin dhe e dua njësoj si djalin tim, kështu që gjithmonë shpresoj se ata mund të rriten shumë.

Në rregull, ky vit shkoi keq, nuk ishte ajo që prisnin, por mund të mësojnë nga ajo që ndodhi këtë sezon dhe të rikthehen më të fortë.

I uroj më të mirën Ibrahimovicit dhe të gjithëve aty. Shpresoj që të arrijnë në Champions League në sezonin e ardhshëm. Kur humb Milan, prekem shumë, sepse më intereson shumë ky klub”, tha Pato.