E konfirmuar! Carrick dhe United nisin bisedimet për shtyrjen e kontratës, marrëveshja brenda 24 majit

Manchester United është gati të nisë zyrtarisht bisedimet me Michael Carrick për vazhdimin e tij si trajner i “djajve të kuq” edhe pas përfundimit të sezonit. Diskutimet zyrtare pritet të fillojnë para ndeshjes së fundit të United në Brighton, më 24 maj.

Klubi nuk e kanë përjashtuar plotësisht mundësinë që dikush tjetër të marrë drejtimin e ekipit për sezonin e ardhshëm dhe kanë kontaktuar kandidatë të tjerë të mundshëm, por hierarkia e klubit ka vendosur që Carrick është personi me të cilin duan të flasin i pari.

Ish-mesfushori i Manchester United ka qenë kandidati kryesor për këtë rol për njëfarë kohe, me shefat e tij të impresionuar nga popullariteti i tij me skuadrën e lojtarëve, trajtimi i tij i medias, kuptimi i tij i lindur i trashëgimisë dhe madhësisë së klubit të futbollit. Por, dhe më e rëndësishmja, rezultatet që ka arritur në fushë.

Në 15 ndeshjet e tij në krye, ai ka fituar 10 dhe ka barazuar tre. Gjithashtu, ai ka garantuar rikthimin e skuadrës në Champions League për sezonin e ardhshëm dhe një rritje të mundshme prej 100 milionë eurosh në të ardhura si rezultat i kësaj.

Carrick ka kryer të gjitha ato që i janë kërkuar, madje dhe më shumë. Në ato rrethana, ishte gjithmonë e vështirë të shihje se si United mund t’ia jepte punën dikujt tjetër.

Megjithatë, United ka qenë i vendosur të zhvillojë një proces rigoroz rekrutimi në vend të një kurorëzimi. Ndërsa ka pasur dialog të vazhdueshëm midis Carrick dhe shefave të tij, bisedimet zyrtare mbi kushtet e ndonjë kontrate ende nuk kanë filluar.

Kuptohet se kjo do të ndodhë brenda ditësh dhe mendohet se nuk duhet të ketë ndonjë vështirësi të konsiderueshme për të dyja palët për të arritur një marrëveshje mbi detajet ligjore.