E rëndë në Maliq, burri vret gruan dhe e hedh trupin në gropën e ujërave të zeza
Një ngjarje e rëndë ka ndodhur në fshatin Zëmblak të Korçës, ku burri ka vrarë gruan.
Trupi i pajetë i 46-vjeçares e identifikuar si Luiza Mullalli është gjetur mbrëmjen e sotme në një gropë septike pranë banesës së saj.
Nga hetimet paraprake të kryera dyshohet se autori i dyshuar i kësaj ngjarjeje është bashkëshorti i saj, Gjergj Mullalli.
Ata ishin në proces divorci, ndërsa viktima ishte me urdhër mbrojtjeje. Çifti kishte tre fëmijë, gruaja shkonte shpesh te dy vajzat në Greqi, ndërsa autori jetonte me djalin në Zëmblak në banesën e prindërve të tij.
Autori punonte në ndërtim, ndërsa viktima në rrobaqepësi në Korçë. Sipas familjareve te viktimës autori konsumonte shpesh alkool.
Pas krimit ai është arratisur, ndërsa policia është vënë në ndjekje të tij. Mes lotësh dhe e tronditur nëna e 46-vjeçares që u vra nga bashkëshorti akuzon se vrasjen e ka urdhëruar motra e autorit e cila jeton në Amerikë.
Ende nuk dihen rrethanat e ngjarjes së rëndë.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.