E turpshme nga tifozët e Juventusit, prishin minutën e heshtjes për Mazzola-n! Klubi: E pajustifikueshme

Tifozët tifozë ultras të skuadrës bardhezi i kanë kthyer shpinën fushës në momentin, kur u mbajt një minutë heshtje për nder të Sandro Mazzola-s, një legjendë e Interit dhe futbollit italian që u nda nga jeta ditët e fundit.

Një sjellje e turpshme kjo nga tifozët e Juventusit para ndeshjes me Atalantën në “Stadium”. Pjesa tjetër e tifozëve është distancuar, ndërsa klubi ka reaguar me një komunikatë zyrtare për shtyp, ku dënon aktin e ultrasve të vet, duke e quajtur një episod të pajustifikueshëm.

Minuta e heshtjes për nder të Mazzola-s u mbajt në të gjitha aktivitetet sportive të fundjavës. Ultrasit juventinë, pasi i kthyen shpinën fushës, kënduan kore për të tjerë personalitete që kanë humbur jetën, si Gaetano Scirea, Andrea Fortunato dhe Gianni Agnelli.