Lufta për Iranin krijon mungesë karburanti aviacioni në Evropë në tremujorin e katërt

Evropa po përballet me një deficit të karburantit të avionëve (jet fuel) në tremujorin e katërt të këtij viti, pasi lufta SHBA–Izrael kundër Iranit vazhdon të çrregullojë furnizimet globale, raporton Reuters.

Sipas të dhënave të kompanisë konsulente Energy Aspects, të cituara nga agjencia, Evropa do të shohë një deficit prej 510,000 fuçish në ditë në tremujorin e katërt, krahasuar me teprica prej 18,000 fuçish në ditë në SHBA dhe 419,000 fuçish në ditë në Azi-Paqësor.

Deficiti vjen pavarësisht se Koreja e Jugut ka rritur eksportet e karburantit të avionëve drejt Evropës. Importet evropiane të këtij karburanti nga shteti aziatik arrijnë deri më tani në shtator në 129,000 fuçi në ditë, sipas firmës së inteligjencës së mallrave Kpler — niveli më i lartë që nga tetori 2022.

Sipas Reuters, lufta ka ndërprerë gati gjysmën e importeve evropiane të karburantit të avionëve, duke thelluar pasojat ekonomike të konfliktit që ka përmbysur tregjet globale të energjisë.

Burimi: Al Jazeera