Egnatia- Midtjylland, Tullberg: I pakënaqur me rezultatin, duhet të fitonim

Trajneri i Midtjyllandit, Mike Tullberg, ka folur për RTSH pas barazimit 1-1 përballë Egnatias në ndeshjen e parë të fazës së ligës në Conference League. Tekniku i danezëve është i pakënaqur me rezultatin dhe deklaron se skuadra e tij duhet të kishte fituar këtë ndeshje.

“Nuk jam i kënaqur me këtë rezultat, prisja që të fitonim ndeshjen. Kemi shumë cilësi në ekip dhe besoj se meritonim më shumë. Barazuam shumë shpejt dhe mund të fitonim në pjesën e dytë, por nuk arritëm që të finalizonim rastet. Gjithsesi kemi edhe 5 ndeshje të tjera për të luajtura në fazën e ligës.

Me gjithë respektin për kundërshtarin, me cilësinë që kemi duhet të kishim fituar këtë ndeshje. Do të përpiqemi që të bëjmë më mirë në ndeshjet e mbetura”, ka thënë mes të tjerash trajneri i Midtjyllandit.

Ende nuk ka komente. Bëhuni i pari që komenton.