⛅
Tiranë 18°C · Pjesërisht vranët 20 Nëntor 2026
S&P 500 7,176 ▼2.02%
DOW 49,097 ▼2.19%
NASDAQ 23,879 ▼2.25%
NAFTA 82.38 ▼0.07%
ARI 3,572 ▼3.09%
💱 VALUTAT
EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727 EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727
₿ CRYPTO
BTC $61,498 ▼ -3.53% ETH $1,733 ▼ -4.01% XRP $0.9374 ▼ -5.21% SOL $70.7200 ▼ -5.54%
S&P 500 7,176 ▼2.02 % DOW 49,097 ▼2.19 % NASDAQ 23,879 ▼2.25 % NAFTA 82.38 ▼0.07 % ARI 3,572 ▼3.09 % S&P 500 7,176 ▼2.02 % DOW 49,097 ▼2.19 % NASDAQ 23,879 ▼2.25 % NAFTA 82.38 ▼0.07 % ARI 3,572 ▼3.09 %
EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727 EUR/USD 1.0980 EUR/GBP 0.8373 EUR/CHF 0.9259 EUR/ALL 90.1176 EUR/MKD 61.4970 EUR/RSD 117.6181 EUR/TRY 55.4680 EUR/JPY 175.39 EUR/CAD 1.5727
20 Nën 2026
Breaking
Abissnet Superiore

Ekskluzive/ Mbërrin në “Arena e Demave”, i hapet rruga përfundimtare ndryshimit

Ka mbërritur në ambientet e klubit bari hibrid për stadiumin, pas barit artificial për fushën stërvitore. Objektivi është që fusha e “Arena e Demave” të jetë gati të paktën në muajin janar.

Partizani po avancon me projektin për përmirësimin e infrastrukturës sportive dhe këtë herë vëmendja nuk është përqendruar vetëm te fusha stërvitore. Klubi i kuq po punon paralelisht edhe për stadiumin “Arena e Demave”, ku synohet instalimi i një tapeti të ri hibrid.

Një projekt që tashmë ka hyrë në një fazë konkrete, pasi pas mbërritjes së barit artificial për fushën stërvitore, në ambientet e klubit ka mbërritur edhe bari hibrid për stadiumin. Burime pranë Partizanit bëjnë me dije se materiali për tapetin e ri është tashmë në dispozicion të klubit, ndërsa objektivi është që fusha e stadiumit të jetë gati të paktën në muajin janar. Punonjësit e ngarkuar me këtë projekt do të merren me të gjitha përgatitjet e nevojshme, në mënyrë që procesi të përfundojë brenda afateve të parashikuara.

Në kampin e kuq kërkojnë që investimi të mos mbetet thjesht në kuadrin e një projekti, por të konkretizohet sa më shpejt me një fushë të re. Një tjetër element që tregon se gjithçka po shkon drejt realizimit është edhe fakti se pajisjet e nevojshme për tapetin hibrid janë tashmë në administrimin e Partizanit. Pra, nuk bëhet fjalë vetëm për mbërritjen e materialit, por edhe për sigurimin e mjeteve që do të nevojiten për realizimin e punimeve.

Tashmë mbetet që punonjësit përgjegjës të nisin dhe të përfundojnë procesin e përgatitjes së fushës. Në këtë mënyrë, Partizani synon të përmirësojë kushtet në të cilat zhvillon aktivitetin e tij, duke investuar në dy drejtime, te fusha stërvitore me bar sintetik dhe te tapeti hibrid i stadiumit. Ky i fundit merr një rëndësi të veçantë, pasi “Arena e Demave” është shtëpia e të kuqve dhe një fushë në kushte më të mira do të ndikonte drejtpërdrejt në zhvillimin e ndeshjeve dhe në cilësinë e lojës.

Nëse kalendari i punimeve do të respektohet, muaji janar mund të shënojë një moment të rëndësishëm për Partizanin, që synon të ketë një stadium me tapet të ri për pjesën e dytë të sezonit. Pas sigurimit të barit dhe pajisjeve përkatëse, tashmë gjithçka është në dorën e punimeve për t’i dhënë “Arena e Demave” një pamje dhe standard të ri.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.