EULEX, bashkëpunim në zbatim të ligjit

Misioni i Bashkimit Evropian në Kosovë (EULEX) ka një bashkëpunim shumë të mirë me agjencitë e zbatimit të ligjit në Kosovë, theksoi sot shefi i Misionit, Gabriele Meucci.

Ai zhvilloi një vizitë në Qendrën Kombëtare për Menaxhimin e Integruar të Kufirit, ku është pritur nga zëvendësministri i Punëve të Brendshme, njëherësh Koordinator Kombëtar për Menaxhimin e Integruar të Kufirit, Valdet Hoxha.

Shefi i EULEX-it vlerësoi avancimet e kontrollit të kufirit në këtë qendër unike, qoftë nga bashkërendimi i aktiviteteve, por edhe në ndalimin e kalimeve ilegale të kufirit të njerëzve dhe mallrave.

Zëvendësministri Hoxha e njohui shefin e EULEX-it për punën dhe avancimet që janë bërë në Qendrën Kombëtare për Menaxhimin e Integruar të Kufirit dhe theksoi se kjo qendër është në rrugën e duhur të funksionimit dhe të arritjes së objektivave të parapara në legjislacionin përkatës dhe në planin zhvillimor të Qendrës.