Evropian i Mundjes: Azerbajxhani, kampion i mundjes klasike

Azerbajxhani jo vetëm dominon me dy medalje të arta ditën e tretë të Kampionati Europian të të rriturve në mundje, por është dhe skuadra fituese e stilit klasik, apo greko-roman. Dy medalje të arta që kanë ardhur në peshën 67 kilogram me Jafarov dhe në peshën deri në 82 kilogram me Gurfanov. Ndërkohë Jafarov ishte Kampione Europe për herë të katërt në karrierën e tij.

E para e artë për Serbinë ka ardhur në peshën 60 kilogram me Tibilov, që në finale fitoi ndaj armenit Agajan. Po kështu i artë dhe francezi Ganem në peshën deri në 77 kilogram, teksa mundi në finale Lomadzen e Gjeorgjisë, 4-0.

Dhe e arta e fundit ishte për bullgarin Milov, tre herë Kampion Europe në karrierën e tij, kjo në peshën deri në 97 kilogram, teksa në finale mundi Zoken e Hungarisë, 3-1. Kampionati Europian i të rriturve në mundje përfundon më 26 prill dhe po vjen drejtpërdrejtë në rrjetin e Radio Televizionit Shqiptar.