FA: Konferenca planëzuese e stërvitjes “Join Effort-16”

Në ambientet e Ministrisë së Mbrojtjes ka startuar sot Konferenca Kryesore Planëzuese e Stërvitjes e koduar ”Join Effort-16”, ku marrin pjesë përfaqësues nga drejtoritë në Shtabin e Përgjithshëm të FA dhe Ministrisë së Mbrojtjes, oficerë planëzues të strukturave pjesëmarrës në stërvitje, si dhe përfaqësues nga SHBA, Italia, Mbretëria e Bashkuar, Kosova dhe Mali i Zi. Kjo konferencë është planifikuar të zhvillohet nga data 10 maj deri në 13 maj 2016.

Zhvillimi i kësaj konference është pjesë integrale e procesit të planëzimit të Stërvitjes “Join Effort”.
Stërvitja “Join Effort” ndjek të gjitha procedurat sipas Doktrinës së NATO-s (7503) dhe procedurave kombëtare. Objekt i saj është testimi i kapaciteteve operacionale të strukturave të Forcave të Armatosura të Shqipërisë, pjesëmarrja në këtë stërvitje, testimi i sistemeve ë kontrollit si dhe evidentimin e mangësive që mund të lindin gjatë zhvillimit të saj.

Qëllimi i konferencës është draftimi i objektivave të trajnimit të konceptit operacional dhe mbështetjen logjistike si dhe përcaktimi i vijimësisë së punës në të ardhmen, me synim përmbushjen e detyrimeve për zhvillimin e një stërvitje sa më cilësore.