FBI klasifikon Angli-Argjentinë si ndeshje me “rrezikshmëri të lartë”

Gjysmëfinalja e Anglisë me Argjentinën është klasifikuar si ndeshje me “rrezikshmëri të lartë” në Kupën e Botës sipas raportit të një takimi mes FBI-së, zyrtarëve të turneut dhe policisë lokale.

Një sërë masash sigurie do të zbatohen në Atlanta edhe pse për autoritet do të jetë një punë mjaft e vështirë. Tifozët do të shkojnë në impiant të ndarë në dy grupe të ndryshme edhe pse brenda “Mercedes Benz Stadium” nuk ishte e mundur që të qëndronin në dy kampe të ndryshme.

FBI-ja, FIFA dhe policia u takuan të hënën, ku u theksua se konfliktet historike midis dy kombeve mund të shfaqeshin në forma problematike gjatë takimit të ditës së mërkurë.

Sipas autoriteteve lokale brenda në stadiume do t’i kushtohet shumë kujdes situatave në zonat e mbyllura ku shanset që tifozët të kapen me njëri-tjetrin do të jenë të larta. A.V.