Fernandes: Që kur erdhi Carrick, ne kemi qenë ndër më të mirët në Premier League

Manchester United kishte nevojë për një kthesë kur Michael Carrick zëvendësoi Ruben Amorim si trajner. Kjo deklaratë vjen nga kapiteni Bruno Fernandes, i cili e njeh mirë situatën aktuale që po kalonte skuadra. Falë ish-mesfushorit anglez, ata u kualifikuan për Champions League. Në janar, ata ishin në vendin e gjashtë në Premier League.

Carrick ka arritur një marrëveshje dyvjeçare me United për të mbetur në krye të ekipit por ende mungon njoftimi zyrtar. Ndërkohë, Bruno Fernandes, pasi mori çmimin Futbollisti i Vitit të dhënë nga gazetarët e Premier, tha: “Kur u bë ndryshimi i trajnerëve, ne nuk ishim shumë larg objektivit që donim të arrinim këtë sezon, i cili ishte një përfundim në katër të parët”.

“Megjithatë, klubi kishte nevojë për një ndryshim për disa arsye. Unë dhe trajneri folëm paraprakisht dhe thamë se mund të luajmë më mirë, se duam të luajmë më mirë. Ende nuk e kemi arritur nivelin që duam, por që kur Carrick erdhi, rezultatet tregojnë se kemi qenë një nga ekipet më të mira në Premier League“, shtoi Fernandes.

Portugezi ishte një nga lojtarët që përfitoi më shumë nga shkarkimi i Amorim, duke u ripozicionuar në rolin e tij të preferuar të numrit 10. Rezultati përfundimtar i një sezoni të tërë është se 13 nga 20 asistimet e kapitenit të “djajve të kuq” në Premier League erdhën menjëherë pas largimit të Amorim.

“Michael mbërriti duke demonstruar personalitet të shkëlqyer, por edhe qetësi të madhe në atë që duhej të bënte për të nxjerrë më të mirën nga ekipi dhe ia doli mbanë në mënyrë të përsosur. Për mua, ishte një fund fantastik i sezonit. Më pëlqeu shumë të luaja futboll dhe, më e rëndësishmja, ekipi mori rezultatet që meritonte“, tha ai.