Finalja e Champions-it bëhet çështje tek Arsenali, punonjësit detyrohen të paguajnë 1000 euro

Finalja e Champions League mes PSG dhe Arsenal është një sfidë mes dy filozofive jo vetëm në fushën e lojës, por edhe në nivel klubesh. Provë e qartë është trajtimi i rezervuar nga dy klubet për punonjësit e tyre.

Nga njëra anë PSG – siç ka ndodhur në finalet e fundit – ka ftuar të gjithë punonjësit e vet, duke paguar edhe shpenzimet e udhëtimit si shenjë mirënjohje për punën e bërë. Një zgjedhje e kërkuar nga drejtuesit për të vlerësuar impenjimin e gjithë strukturës, jo vetëm të atyre që kanë kontakt me skuadrën e parë.

Në anën tjetër, situata tek Arsenali është diametralisht e kundërt, sipas asaj që zbulon “Telegraph”. Drejtuesit e klubit londinez kanë ofruar vetëm biletat e ndeshjes, duke i detyruar punonjësit të organizojnë udhëtimin me shpenzimet e veta. Bëhet fjalë për rreth 1000 euro për një udhëtim vajtje-ardhje brenda një dite.

Pas ndeshjes, personeli duhet të kthehet menjëherë në Londër për festimet, në rast se Arsenali do të triumfojë ndaj PSG-së në finalen e Budapestit.