Fluks drejt Shqipërisë, kolonë kilometrike në doganën e Morinës

Shqipëria është destinacioni kryesor i pushuesve nga Kosova. Mëngjesin e sotëm, në vendkalimin kryesor në autostradën e kombit, në Vërmicë-Morinë, ka patur fluks të udhëtarëve nga Kosova drejt bregdetit të Shqipërisë, ku kalohej në kolonë 1000 metra për 50 deri 60 minuta.

Në dy vendkalimet tjera kufitare, në Qafë të Prushit kalohej për 2-3 minuta e në Qafë të Morinës për 1-2, bën të ditur Qendra Kombëtare për Menaxhim Kufitar.

Në Shqipëri këtë javë është parashikuar mot i nxehtë me temperatura që arrijnë deri në 41 gradë Celcius.