☁️
Tiranë 21°C · Vranët 19 Nëntor 2026
S&P 500 7,324 ▼0.23%
DOW 50,198 ▼1.11%
NASDAQ 24,430 ▲0.42%
NAFTA 83.16 ▲1.03%
ARI 3,714 ▼0.75%
💱 VALUTAT
EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717 EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717
₿ CRYPTO
BTC $63,798 ▼ -0.57% ETH $1,807 ▲ +0.55% XRP $0.9900 ▲ +0.28% SOL $74.9600 ▲ +0.83%
S&P 500 7,324 ▼0.23 % DOW 50,198 ▼1.11 % NASDAQ 24,430 ▲0.42 % NAFTA 83.16 ▲1.03 % ARI 3,714 ▼0.75 % S&P 500 7,324 ▼0.23 % DOW 50,198 ▼1.11 % NASDAQ 24,430 ▲0.42 % NAFTA 83.16 ▲1.03 % ARI 3,714 ▼0.75 %
EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717 EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717
19 Nën 2026
Breaking
Bota

FOKUS – Danimarka miraton marrëveshjen e mbrojtjes së Groenlandës me SHBA-në

KOPENHAGË, 19 nëntor /ATSH-DPA/- Parlamenti i Danimarkës miratoi sot një marrëveshje të re me Shtetet e Bashkuara të Amerikës për sigurinë dhe mbrojtjen e Groenlandës, me 109 vota pro dhe asnjë kundër.

Votimi i hap rrugën përfundimtare politike zbatimit të marrëveshjes, e cila synon të zgjidhë mosmarrëveshjen e shkaktuar pasi presidenti amerikan Donald Trump, kërcënoi se do të merrte kontrollin e Groenlandës, duke përmendur interesat e sigurisë së SHBA-së, në këtë ishull të pasur me burime natyrore dhe me rëndësi strategjike në Arktik.

Edhe parlamenti i Groenlandës, një territor autonom, që bën pjesë në Mbretërinë e Danimarkës, votoi në favor të ratifikimit të marrëveshjes dy javë më parë.

Presidenti amerikan Trump, kryeministrja daneze Mette Frederiksen dhe kryeministri i Groenlandës, Jens-Frederik Nielsen, nënshkruan marrëveshjen në shtator, gjatë Asamblesë së Përgjithshme të OKB-së në Nju Jork.

Marrëveshja mund të hyjë në fuqi pasi Uashingtoni të njoftohet zyrtarisht, nëpërmjet kanaleve diplomatike, për miratimin e saj nga të dy parlamentet.

Marrëveshja lejon ngritjen e dy bazave të tjera ushtarake amerikane

Marrëveshja ruan statusin e Groenlandës brenda Mbretërisë së Danimarkës dhe sovranitetin e kësaj të fundit mbi ishullin. Ajo përditëson dhe zgjeron një marrëveshje të vitit 1951 për mbrojtjen mes Danimarkës dhe SHBA-së, e cila i jep ushtrisë amerikane liri të gjerë veprimi në ishull.

Aktualisht, ushtria amerikane ka një bazë në Groenlandë, bazën hapësinore “Pituffik”, në veriperëndim të ishullit. Ajo luan një rol të rëndësishëm në mbrojtjen kundër raketave dhe në mbikëqyrjen me radar.

Marrëveshja i lejon SHBA-së, të modernizojë këtë bazë dhe të zgjerojë aktivitetet ushtarake atje. Gjithashtu, parashikon mundësinë e ngritjes së dy objekteve të tjera ushtarake amerikane.

Marrëveshja mbështet synimin e Trump, për të kufizuar ndikimin e Kinës dhe Rusisë në rajon.

Vendet që nuk janë anëtare të NATO-s, do të duhet të marrin miratimin e të tri palëve për të ndërtuar objekte ushtarake në Groenlandë.

Marrëveshja kufizon gjithashtu investimet nga vende jashtë Bashkimit Evropian, të cilat nuk janë as anëtare dhe as partnere të NATO-s, si dhe investimet e kompanive apo investitorëve nga këto vende. /

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.