FOKUS – Faqja e njohur mjedisore: Vjosa lumi i fundit i egër i Evropës

– Ka një vend në Evropë ku uji rrjedh ende i lirë dhe pa pengesa.

Është pellgu i lumit Vjosa, lumi i fundit i madh i egër i kontinentit tonë. Një mrekulli natyrore 272 kilometra e gjatë, që është shpallur Park Kombëtar dhe përshkon kanione e lugina në jug të Shqipërisë, duke ruajtur specie, ekosisteme unike dhe kultura mijëravjeçare, sipas faqes së njohur mjedisore lifegate.it.

Megjithatë, e ardhmja e tij varet nga një ekuilibër shumë i brishtë.

Vjosa kërcënohet nga kundërthëniet e zhvillimit; shfrytëzimi i ujërave të saj, projektet e mëdha për turizmin masiv dhe ndotja.

Ne shkuam atje për të treguar historinë e saj dhe sfidat me të cilat përballet.

“Vjosa, lumi i fundit i egër i Evropës” është një dokumentar audio që u jep zë komuniteteve që jetojnë dhe mbrojnë këto vende.

Është një udhëtim zanor që nis nga ekosistemet e thella malore dhe fshatrat e vegjël, duke ndjekur rrjedhën e lumit deri në derdhjen e tij në det.

Dokumentari do të jetë i disponueshëm nga 9 korriku në të gjitha platformat e transmetimit (streaming) dhe përmes lidhjes në biografinë (bio) të profilit.

Ky podcast është prodhuar nga “LifeGate” dhe “CESVI Foundation”, me financimin e Agjencisë Italiane për Bashkëpunim për Zhvillim (AICS), në kuadër të projektit “VITA Vjosa”./  /Ad.Ab./ a.jor.