UEFA Regions’ Cup/ Kombëtarja e futbollit amator luan ndeshjen e parë ndaj Sllovakisë

Kombëtarja e futbollit amator nisi sot rrugëtimin në UEFA Regions’ Cup me ndeshjen e parë të grupit ndaj Sllovakisë, e zhvilluar në ambientet e Shtëpisë së Futbollit. Takimi përfundoi me fitoren 6-1 të skuadrës sllovake.

Sllovakia shënoi katër gola në pjesën e parë, me Palacka në minutën e 25-të, Gáborík në të 28-ën, Urban në të 37-ën dhe Vass nga pika e penalltisë në minutën e 43-të.

Në pjesën e dytë, kuqezinjtë gjetën rrugën e rrjetës në minutën e 62-të me Shehun. Sllovakia shënoi edhe dy gola të tjerë, me Urban në minutën e 74-t dhe Michalec në të 76-ën, duke vulosur rezultatin përfundimtar 6-1.

Në ndeshjen tjetër të Grupit 6, Piemonte Valle d’Aosta e Italisë fitoi 2-0 ndaj NI Eastern të Irlandës së Veriut.

Kombëtarja shqiptare do të luajë ndeshjen e dytë të grupit ditën e diel, më 1 nëntor, në “Egnatia Arena”, ndaj Italisë.

Kalendari i ndeshjeve, UEFA Regions’ Cup

Intermediate round – Group 6

NI Eastern 0–2 Piemonte Valle d’Aosta West Slovakia 6–1 Albania

West Slovakia – NI Eastern 1 nëntor, 12:00, Stadiumi Luz i Vogël Piemonte Valle d’Aosta – Albania 1 nëntor, 14:00, Egnatia Arena

Piemonte Valle d’Aosta – West Slovakia 4 nëntor, 13:30, Stadiumi Luz i Vogël Albania – NI Eastern 4 nëntor, 13:30, Egnatia Arena

Ende nuk ka komente. Bëhuni i pari që komenton.