FOKUS – Nafta “Brent” nën 100 dollarë, ndërsa tregjet shpresojnë për përmirësim të situatës në LM

PARIS, 21 shtator /ATSH-AFP) – Çmimi i naftës “Brent”, referenca ndërkombëtare e tregut të naftës, ra sot nën nivelin e 100 dollarëve për fuçi, ndërsa nafta amerikane “WTI” pësoi një rënie prej më shumë se 5%.

Tregjet po presin zhvillime të reja diplomatike lidhur me luftën në Lindjen e Mesme, përfshirë diskutimet që pritet të zhvillohen gjatë kësaj jave në Asamblenë e Përgjithshme të Kombeve të Bashkuara në Nju Jork.

Çmimi i një fuçie nafte Brent të Detit të Veriut, për dorëzim në nëntor, shënonte një rënie prej 4,02%, duke u tregtuar me 99,69 dollarë.

Ndërkohë, çmimi i naftës amerikane “West Texas Intermediate” (WTI), për dorëzim në tetor, ra me 5,06%, duke arritur në 95,22 dollarë për fuçi.

Rënia e çmimeve pasqyron pritshmëritë e tregut për mundësi të reja negociatash diplomatike dhe për një ulje të tensioneve në Lindjen e Mesme.

Investitorët po ndjekin nga afër zhvillimet ndërkombëtare, pasi çdo përmirësim i situatës diplomatike mund të ndikojë në vlerësimet për furnizimin dhe kërkesën në tregun global të energjisë. /Ad.Ab./ a.jor.