⛈️
Tiranë 15°C · Stuhi 16 Nëntor 2026
S&P 500 7,417 ▼1.91%
DOW 51,644 ▼1.34%
NASDAQ 24,507 ▼2.5%
NAFTA 85.68 ▼3.25%
ARI 3,851 ▼0.9%
💱 VALUTAT
EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734 EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734
₿ CRYPTO
BTC $64,990 ▲ +0.55% ETH $1,818 ▲ +0.15% XRP $0.9590 ▲ +0.76% SOL $71.2000 ▲ +0.2%
S&P 500 7,417 ▼1.91 % DOW 51,644 ▼1.34 % NASDAQ 24,507 ▼2.5 % NAFTA 85.68 ▼3.25 % ARI 3,851 ▼0.9 % S&P 500 7,417 ▼1.91 % DOW 51,644 ▼1.34 % NASDAQ 24,507 ▼2.5 % NAFTA 85.68 ▼3.25 % ARI 3,851 ▼0.9 %
EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734 EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734
16 Nën 2026
Breaking
Bota

FOKUS – Pesë vende të BE-së negociojnë me Ruandën për qendrat e deportimit, Shqipëria precedent i modelit evropian

VJENË, 16 nëntor /ATSH-DPA/ – Gjermania, Austria, Danimarka, Greqia dhe Holanda kanë nisur bisedimet me Ruandën për krijimin e një qendre të përbashkët deportimi për emigrantët, njofto sot kancelari austriak Christian Stocker.

Synimi është që dërgimi i azilkërkuesve të refuzuar në vendin afrikan të nisë që në vitin 2027.

Projekti parashikon krijimin e të ashtuquajturave qendra kthimi ku do të dërgohen personat të cilëve u është refuzuar kërkesa për azil dhe që kanë marrë urdhër për t’u larguar nga territori evropian, por nuk mund të kthehen në vendet e origjinës.

Kjo mund të ndodhë, për shembull, kur vendet e tyre nuk pranojnë t’i rikthejnë.

Kancelari austriak Stocker e cilësoi këtë nismë si një ndryshim historik në politikën evropiane të migracionit, duke argumentuar se vendet e BE-së duhet të kenë më shumë kontroll mbi menaxhimin e emigracionit.

Në konferencën për shtyp mori pjesë edhe kryeministrja daneze Mette Frederiksen.

Ministri grek i Migracionit, Thanos Plevris, ka sqaruar se masat do të prekin vetëm personat të cilëve u janë refuzuar kërkesat për azil dhe jo ata që janë ende në pritje të një vendimi.

Nisma rikthen në vëmendje marrëveshjen e mëparshme mes Britanisë së Madhe dhe Ruandës, e cila hyri në fuqi në prill 2024, por përfundoi pa rezultat.

Londra shpenzoi rreth 700 milionë paund për projektin, ndërsa vetëm katër emigrantë u dërguan vullnetarisht në Ruandë.

Marrëveshja u shpall e paligjshme nga Gjykata e Lartë britanike.

Agjencia e BE-së për të Drejtat Themelore ka paralajmëruar se çdo marrëveshje deportimi me një vend të tretë duhet të garantojë respektimin e të drejtave themelore të personave të prekur dhe të sigurojë që ata të mos dërgohen më pas në vende ku mund të përballen me rrezik.

Nisma shënon një përpjekje të re të disa vendeve evropiane për ta zhvendosur një pjesë të politikës së kthimit të emigrantëve jashtë kufijve të BE-së, por mbetet e hapur çështja e zbatimit dhe e garancive ligjore.

Një marrëveshje azili midis Britanisë dhe Ruandës hyri në fuqi në prill 2024. Britania donte të deportonte migrantët që kishin hyrë në vend në mënyrë të parregullt në Ruandë, ku ata do të ishin në gjendje të aplikonin për azil. Në këmbim, Ruanda do të merrte shuma që arrinin në miliona për integrimin ekonomik dhe social të migrantëve.

Marrëveshja i kushtoi Britanisë rreth 700 milionë paund (rreth 923 milionë dollarë). Megjithatë, sipas shifrave zyrtare nga Londra, vetëm katër migrantë ishin dërguar vullnetarisht në Ruandë.

Marrëveshja përfundimisht u shpall e paligjshme nga Gjykata Supreme e Britanisë. Më parë, Bashkimi Evropian nuk kishte kornizë ligjore për marrëveshjet me vendet e treta mbi qendrat e deportimit. Përpjekje të ngjashme nga Italia dhe shteti jo-anëtar i BE-së, Britania, rezultuan të kushtueshme dhe ligjërisht të ndërlikuara.

Italia kishte arritur një marrëveshje me Shqipërinë për të dhënë me qira procedurat e azilit për grupe të caktuara atje. Kryeministrja italiane Giorgia Meloni më vonë vendosi të përdorte edhe kampet e ndërtuara atje për paraburgim për deportim.

Modeli përfundoi para Gjykatës Evropiane të Drejtësisë (GJED). Sipas një avokati të përgjithshëm të GJED-së, Italia mund të ngrejë qendra paraburgimi në Shqipëri për qëllime deportimi, me kusht që të respektohen të drejtat e migrantëve. Mendimi i tij nuk është detyrues, por gjykata mund të udhëhiqet prej tij në vendimin e saj të ardhshëm.

Agjencia e të Drejtave Themelore të BE-së theksoi në një deklaratë se çdo marrëveshje deportimi me një vend të tretë duhet të sigurojë që vendi të mbështesë të drejtat themelore të personave të prekur. Vendi gjithashtu nuk duhet t’i deportojë këta njerëz në vende të tjera ku ata përballen me rrezik./ /Ad.Ab./ a.jor.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.