FOTO/ Kush është 30-vjeçari që u vra me armë zjarri në Memaliaj

Ky që shihni në foto është 30-vjeçari Endri Goxhaj, i cili mbeti viktimë e një përplasje me armë zjarri në Memaliaj të Tepelenës. Ngjarja ndodhi të martën

Ky që shihni në foto është 30-vjeçari Endri Goxhaj, i cili mbeti viktimë e një përplasje me armë zjarri në Memaliaj të Tepelenës.

Ngjarja ndodhi të martën rreth orës 20:50, ku pas një sherri mes dy personave, të cilët kishin një konflikt të mëparshëm, ku 29-vjeçari Donaldo Nela dyshohet se ka qëlluar me armë zjarri ndaj 30-vjeçarit Endri Goxhaj, i cili nuk arriti t’u mbijetojë plagëve dhe ndërroi jetë rrugës për në spital. Si pasojë e të shtënave mbeti i plagosur edhe vëllai i autorit, 25-vjeçari Dali Nela. Mësohet se ai i është nënshtruar një ndërhyrjeje kirurgjikale.

Policia është vënë në ndjekje të autorit, ndërsa grupi hetimor po punon për zbardhjen e plotë të shkaqeve dhe dokumentimin e krimit.

Njoftimi i policisë

“Memaliaj/Informacion paraprak. Rreth orës 20:50, në Memaliaj, dyshohet se pas një konflikti, shtetasi D. N., 29 vjeç, ka qëlluar me armë zjarri shtetasin E. G., 30 vjeç, i cili ka humbur jetën rrugës për në spital.

I plagosur, në rrethana ende të paqarta, ka mbetur edhe vëllai i autorit të dyshuar, shtetasi D. N., 25 vjeç, jashtë rrezikut për jetën. Autori i dyshuar, pas ngjarjes, është larguar me automjet. Shërbimet e Policisë janë vënë në ndjekje të tij.

Ndërkohë, është ngritur një grup i posaçëm hetimor, në drejtimin e Prokurorisë, për sqarimin e rrethanave dhe dokumentimin ligjor të ngjarjes”, njofton policia.