Gjendet pa shenja jete një person në Jelloc të Klinës, rasti nën hetim
Policia u njoftua për rastin rreth orës 06:20 të mëngjesit; trupi i pajetë do t'i nënshtrohet obduksionit në IML
Një person është gjetur pa shenja jete mëngjesin e sotëm në fshatin Jelloc të Komunës së Klinës, siç njoftohet nga Policia e Kosovës.
Zëdhënësi i Policisë së Kosovës për rajonin e Pejës, Driton Rugova, ka konfirmuar për RTKlive se policia është njoftuar për rastin rreth orës 06:20 dhe se njësitë policore kanë dalë menjëherë në vendin e ngjarjes. Në vendngjarje ka dalë edhe ekipi mjekësor, i cili ka konstatuar vdekjen e personit.
“Me urdhër të Prokurorit të Shtetit, trupi i pajetë është dërguar në Institutin e Mjekësisë Ligjore (IML) në Prishtinë, ku do t’i nënshtrohet obduksionit”, ka thënë Rugova. Rasti është cilësuar si “Hetim i vdekjes” dhe mbetet nën hetim nga organet kompetente.
Foto ilustruese: qendra e qytetit të Klinës (Wikimedia Commons, CC BY-SA 4.0).
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.