Gjermani: Fundi i Schengen-it do t’i kushtojë BE-së 470 miliardë euro në 10 vite

Fundi i hapësirës së qarkullimit të lirë evropian, Schengen, do t’i kushtojë minimumi 470 miliardë euro në 10 vite vendeve të Bashkimit Evropian dhe dhjetëra miliarda SHBA-së dhe Kinës, sipas një studimi gjerman të publikuar sot. “Rivendosja e kontrolleve në kufijtë e Evrops, një skenar gjithnjë e më shumë i mundshëm nën sfondin e krizës së refugjatëve në kontinent, do të përkthehet në një rritje masive të shpenzimeve dhe çmimeve”, sipas këtij studimi të realizuar nga instituti “Prognos” për llogari të Fondacionit Bertelsmann. Sipas skenarit më optimist, kostot e prodhimit në BE do të rriten me 1 për qind, duke përfaqësuar një kosto totale prej 470 miliardë euro në Prodhimin e Brendshëm Bruto (PBB) të BE-së në dhjetë vite (2016-2025). Kjo faturë për dy ekonomitë kryesore të BE-së do të jetë 77 miliardë euro për Gjermaninë dhe 80 miliardë euro për Francën për të njëjtën periudhë.