Gjermania arreston personin e tretë për zjarrin në stacionin e Starlink në Poloni

Policia gjermane ka ndaluar një grua në Berlin në lidhje me një zjarr në një stacion Starlink në Poloni muajin e kaluar. Ky është ndalimi i tretë në këtë rast.

Zjarri në stacionin Starlink në Poloninë qendrore në shtator përfshiu sistemin e tij të energjisë dhe gjeneratorin rezervë. Polonia tha në atë kohë se besonte se zjarri ishte një akt sabotimi që synonte ndërprerjen e shërbimeve të internetit, përfshirë ato për ushtrinë e Ukrainës, dhe fajësoi Rusinë.

Gruaja e ndaluar mund të ketë vepruar si shofere dhe se prokurorët polakë tani do të vlerësojnë shkallën e përfshirjes së saj dhe do të vendosin nëse kishte baza për të kërkuar ekstradimin e saj.

Nuk dha kombësinë e gruas apo ndonjë detaj tjetër. Një zëdhënës i Policisë Federale Kriminale të Gjermanisë tha se agjencia koordinoi shkëmbimin e informacionit midis autoriteteve polake dhe gjermane në lidhje me arrestimin e tre individëve.

Polonia tha të hënën se dy burra turq ishin ndaluar në Gjermani me dyshimin se janë përgjegjës për zjarrvënies.

Zyrtarë nga disa vende të Bashkimit Evropian kanë paralajmëruar prej muajsh se Rusia ka kryer sabotime, sulme kibernetike dhe sulme të tjera hibride në të gjithë Evropën për të minuar mbështetjen për Ukrainën.

Moska thotë se akuza të tilla janë të pabaza dhe rezultat i histerisë anti-ruse.