Gjermania merr frymë e lehtësuar, Neuer rikthehet në stërvitje me grupin

Pas mungesës në ndeshjen miqësore ndaj Finlandës, e fituar 4-0 nga Gjermania, portieri Manuel Neuer është rikthyer në stërvitje në qendrën sportive të Frankfurtit, ku kombëtarja gjermane po përgatitet për Kupën e Botës që do të zhvillohet në Kanada, Meksikë dhe SHBA.

39-vjeçari ishte ndalur ditët e fundit për shkak të një problemi në pulpë, çka kishte shtuar dyshimet për grumbullimin e tij, duke pasur parasysh se dy vite më parë kishte njoftuar tërheqjen nga kombëtarja.

Neuer zhvilloi një seancë të lehtë atletike, me vrapime dhe sprintime, përpara se të kalonte në stërvitjen specifike të portierëve. Ky është një sinjal pozitiv përpara debutimit të Gjermanisë në turne më 14 qershor ndaj Curaçaos. Portieri i Bayern Munich mund të testohet më 6 qershor në miqësoren kundër SHBA në Çikago, për të treguar se është rikuperuar plotësisht.

Ndaj Finlandës, në portë luajti zëvendësi i tij, Oliver Baumann, i cili gjatë dy viteve të fundit ishte promovuar si titullar. Trajneri Julian Nagelsmann e konsideron atë një “zgjedhje të dytë të nivelit botëror”.