Gjesti i papritur: Ben Affleck i dhuron Jennifer Lopez pronën e përbashkët

Ben Affleck i ka dhuruar ish-bashkëshortes së tij Jennifer Lopez pjesën e tij në rezidencën e përbashkët me vlerë 60 milionë dollarë.

Ish-çifti ka ndryshuar marrëveshjen e ndarjes së pasurisë, dhe ka ndodhur një transferim prone midis bashkëshortëve, sipas medias TMZ. Megjithëse detajet nuk janë bërë publike, burimet pranë medias kanë bërë të ditur se Affleck ia ka kaluar Lopez-it pjesën e tij pa asnjë pagesë.

Rezidenca në Beverly Hills, Kaliforni, u ble nga dyshja në qershor 2023 për rreth 60.85 milionë dollarë, ndërsa ata ishin ende të martuar. Prona gjigante prej rreth 38,000 metrash katrorë përfshin 12 dhoma gjumi, 24 banjo dhe një fushë basketbolli.

Fillimisht ajo ishte menduar si shtëpia e tyre familjare, por vetëm një vit më vonë çifti e nxori në shitje mes thashethemeve për probleme në marrëdhënie. Jennifer Lopez paraqiti kërkesë për divorc dy muaj më vonë.

Affleck dhe Lopez finalizuan divorcin në janar 2025, ndërsa pasuria mbeti në proces shitjeje për një periudhë kohe.

Së fundmi, Lopez ka deklaruar se ndihet “e lirë” dhe në një periudhë të re të jetës së saj, duke thënë se për herë të parë ndihet e pavarur dhe e lumtur pas ndarjes.

Jennifer Lopez është një nga figurat më të njohura të showbiz-it amerikan, e cila përveç karrierës së suksesshme në muzikë dhe film, ka qenë shpesh në qendër të vëmendjes edhe për jetën e saj personale.

Ajo ka qenë e martuar tre herë dhe ka pasur disa marrëdhënie të njohura me figura të të njohura të showbiz-it.