Gjici: Situata është nën-kontroll, dyshoj dhe për zjarrvënie të qëllimshme
Është përkeqësuar situata e zjarrit në zonën e tunelit të Kalimashit. Për të ndihmuar në shuarjen e zjarreve kanë ardhur edhe një kontigjent i FSK-së.
“Situata nuk është jashtë kontrollit. Ne e kemi izolu vatrën dhe e kemi situatën nën kontroll. Para 2-3 orësh situata ishte më e përkeqësuar. Me ardhjen e forcave të shumta nga Kukësi, Tirana dhe Kosova ka bërë që ne të izolojmë këtë vatër”- tha Gjici.
Dua të falenderoj ministrin e Brendshëm të Kosovës që është këtu me ne sonte. Dua të falenderoj të gjithë forcat që kanë ardhur nga Kosova. Nesër në orën 5 të mëngjesit presim edhe një helikopter që të punohet edhe nga ajri.
Ky zjarr ka ardhur nga Mirdita. Besoj se ky zjarr nuk ka ardhur vetëm nga temperaturat e larta, por dyshoj se ka edhe zjarrvënie të qëllimshme”- vijoi Gjici.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.