Gjykata e Lartë lë në burg kreun e Bashkisë Tiranë, Erion Veliaj! Kushtetuesja e kishte quajtur joproporcional arrestin

Gjykata e Lartë nuk e ndryshon vendimin e saj për masën e sigurisë ndaj kreut të Bashkisë Tiranë, Erion Veliaj.

Kështu ka vendosur vetëm pak më parë Gjykata e Lartë, e cila la në fuqi masën e sigurisë “arrest me burg” ndaj kryebashkiakut, e njëjta masë e vendosur nga dy shkallët e para të GJKKO-së.

“Kolegji Penal i Gjykatës së Lartë, i mbledhur në datë 15 shtator 2026, në Dhomë Këshillimi, mori në shqyrtim dosjen penale me palë: Kërkues: Erion Veliaj, Palë e Interesuar: Prokuroria e Posacme kundër Korrupsionit dhe Krimit të Organizuar dhe objekt: Shfuqizimin e vendimeve nr. 7, dt. 09.02.2025, te Gjykates se Posacme te Shkalles se Pare per Korrupsionin dhe Krimin e Organizuar, vleftesuar permes vendimit nr. 14, dt. 12.02.2025, te Gjykates se Posacme te Shkalles se Pare per Korrupsionin dhe Krimin e Organizuar; nr. 13, dt. 13.03.2025, te Gjykates se Posacme te Apelit per Korrupsionin dhe Krimin e Organizuar; nr. 00-2025-1153 (176), dt. 08.07.2025, te Kolegjit Penal te Gjykates se Larte. Shpenzimet gjyqesore ne ngarkim te subjektit te interesuar.

Pasi shqyrtoi çështjen, Kolegji, bazuar në nenin 441, pika 1, shkronja “e” të Kodit të Procedurës Penale, vendosi: Lënien në fuqi të Vendimit nr.13 (87-2025-85), datë 13.03.2025 të Gjykatës së Posaçme të Apelit për Korrupsionin dhe Krimin e Organizuar”, thuhet në vendim.

Veliaj kërkonte shfuqizimin e vendimeve të Gjykatës së Posaçme të Shkallës së Parë, Gjykatës së Posaçme të Apelit dhe një vendimi të mëparshëm të Kolegjit Penal të Gjykatës së Lartë, lidhur me masën e sigurisë ndaj tij.

Veliaj po hetohet për 13 akuza penale. Ai po gjykohet në GJKKO me një nunër të madh të pandehurish, përfshirë dhe bashkëshorten e tij, Ajola Xoxa. Kryebashkiaku qëndron i paraburgosur prej 10 shkurtit 2025, ndërsa e cilëson arrestimin e paligjshëm e pa prova nga SPAK.

Gjykata Kushtetuese ia riktheu Gjykatës së Lartë shqyrtimin e kërkesës së masës së Veliajt me argumentin se duhet të arsyetohet përse nuk është e përshtatshme një masë tjetër, përveç arrestit në burg.