☁️
Tiranë 16°C · Vranët 17 Nëntor 2026
S&P 500 7,346 ▼0.95%
DOW 50,926 ▼1.32%
NASDAQ 24,280 ▼0.94%
NAFTA 86.67 ▲1.11%
ARI 3,876 ▲0.6%
💱 VALUTAT
EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728 EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728
₿ CRYPTO
BTC $64,190 ▼ -0.18% ETH $1,785 ▼ -1.66% XRP $0.9629 ▲ +1.51% SOL $72.5300 ▲ +2.97%
S&P 500 7,346 ▼0.95 % DOW 50,926 ▼1.32 % NASDAQ 24,280 ▼0.94 % NAFTA 86.67 ▲1.11 % ARI 3,876 ▲0.6 % S&P 500 7,346 ▼0.95 % DOW 50,926 ▼1.32 % NASDAQ 24,280 ▼0.94 % NAFTA 86.67 ▲1.11 % ARI 3,876 ▲0.6 %
EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728 EUR/USD 1.1006 EUR/GBP 0.8343 EUR/CHF 0.9242 EUR/ALL 90.6481 EUR/MKD 61.4970 EUR/RSD 117.6009 EUR/TRY 55.4863 EUR/JPY 175.61 EUR/CAD 1.5728
17 Nën 2026
Breaking
Politika

Gjykata e Lartë lë në fuqi dënimin me 12 vite burg për biznesmenin Francesco Becchetti

Gjykata e Lartë vendosi më 17 nëntor 2026 të lërë në fuqi dënimin me 12 vite burgim ndaj biznesmenit italian Francesco Becchetti, duke rrëzuar rekursin e paraqitur nga pala mbrojtëse. Me këtë vendim, dënimi i dhënë më herët nga Gjykata e Apelit të Juridiksionit të Përgjithshëm merr formë të prerë dhe bëhet i ekzekutueshëm.

Në dispozitivin e saj, Gjykata e Lartë urdhëroi “lënien në fuqi të vendimit nr. 2112 (30-2025-7758), datë 30.09.2025, të Gjykatës së Apelit të Juridiksionit të Përgjithshëm”.

Ky vendim i Apelit, i marrë nga trupa gjykuese e përbërë nga gjyqtarët Genti Shala, Brikena Ukperaj dhe Dritan Hasani, kishte ndryshuar pjesërisht vendimin e Gjykatës së Shkallës së Parë Tiranë (të shkurtit 2022). Konkretisht, nëpërmjet aplikimit të nenit 55 të Kodit Penal për bashkimin e dënimeve, masa fillestare prej 17 vitesh burg ishte ulur me 5 vite, duke u fiksuar në 12 vite.

Akuzat dhe subjektet e përfshira në proces

Sipas vendimit gjyqësor, Francesco Becchetti është shpallur fajtor për katër vepra penale të lidhura me aktivitetin e kompanive të tij dhe ish-televizionit “Agon Channel”. Në dokumentacionin e procesit specifikohet se ai u dënua për:

  • “Vjedhje duke shpërdoruar detyrën”
  • “Pastrimi i produkteve të veprës penale ose veprimtarisë kriminale”
  • “Falsifikim dokumentesh”
  • “Krijimi i skemave mashtruese lidhur me tatimin mbi vlerën e shtuar”

Me të njëjtin vendim të 30 shtatorit 2025, Gjykata e Apelit kishte rishikuar dhe ulur masën e dënimit edhe për bashkëpunëtorin e tij, Mauro De Renzis, nga 16 vite në 12 vite burgim.

Krahas Becchettit dhe De Renzis, në listën e të pandehurve dhe subjekteve të proceduara në bazë të Kodit Penal (nenet 186/2, 135/25, 144/a, 287/2, 181, 174) dhe ligjit nr. 9754, datë 14.06.2007 “Për përgjegjësinë penale të personave juridik”, përfshihen edhe shtetasit Liljana Condomiti, Erjona Troplini, Stavri Peci dhe Fetah Dervishi, si dhe pesë shoqëri tregtare: “Energy” shpk, “Kalivaç Green Energy” shpk, “Cable System” shpk, “400 KV” shpk dhe “Agon Set” shpk.

Pavarësisht përfundimit të shqyrtimit gjyqësor në të gjitha shkallët e gjyqësorit shqiptar, Francesco Becchetti vijon të jetë në kërkim ndërkombëtar, ndërsa ndaj tij mbetet në fuqi masa e sigurimit personal “arrest me burg”.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.