Gjykata e Lartë vendos masën e sigurisë “Arrest shtëpie” për Mark Frrokun dhe Tom Doshin

Gjykata e Lartë vendosi sot masën e sigurisë ” Arrest shtëpie”, ndaj deputetit Mark Frroku dhe Tom Doshi.

Gjatë seancës gjyqësore, që nisi rreth orës 13:15 minuta deputeti Mark Frroku u njoh me akuzat ndaj tij, teksa i kërkoi trupës gjyqësore lehtësimin e masës së sigurisë, pasi dyshimet ndaj tij janë për veprën penale të mashtrimit, ç’ka nuk përbën rrezik të lartë për shoqërinë.

Gjithashtu përmes avokatëve të tij, Frroku garantoi trupën gjyqësore të përbërë nga Guxim Zenelaj, Majlinda Andrea, Aleksandër Muskaj, Artan Zeneli, Admir Thanza, se nuk do të largohet në rast të lirimit me kusht apo ndonjë masë tjetër sigurie.

Gjykata u tërhoq dhe më pas vendosi të jap masën e sigurisë “Arrest me shtëpie” ndaj Mark Frrokut. Pas përfundimit të kësaj seance, nisi dhe seanca e vlerësimit të masës së sigurisë ndaj Deputetit Tom Doshi.

Në përfundim të pretendimeve si të akuzës ashtu edhe të mbrojtjes, trupa gjyqësore vendosi edhe për deputetin Doshi, masën e sigurisë “Arrest shtëpie”