Gjykata e Strasburgut: Hiqet nga lista Ina Rama, mbeten Ibrahimi dhe Berberi
Ora News zbardh listën e kandidatëve nga Shqipëria për në Gjykatën e Strasburgut.
Burimet bëjnë me dije se ajo që vihet re është se është hequr nga lista emri i ish kryeprokurores Ina Rama ndërsa kandidon sërish Gent Ibrahimi dhe Sokol Berberi
Në garë janë dhe Aleksandër Muskaj, Asllan Karaj, Aurela Anastasi.
Më 1 nëntor 2016 qeveria shqiptare rihapi aplikimin për kandidaturën për gjyqtar të ri të Shqipërisë në Gjykatën Evropiane të të Drejtave të Njeriut.
Ndërsa në shtator Gent Ibrahimi, Sokol Berberi, Ina Rama, u skualifikuan nga Këshilli i Europës, si kandidatë për gjykatës në Gjykatën Europiane.
Burimet i thanë Ora News, se emrat nuk ishin hedhur në votim, ndërsa skualifikimi ishte bërë nga Komisioni i Seleksionimit pranë Sekretarit të Përgjithshëm të Këshillit të Europës dhe arsyet zyrtare lidhen me procedurën e përzgjedhjes dhe shkeljen e afateve te dorëzimit të emrave të kandidatëve shqiptarë.
Mandati i gjyqtarit është për një afat prej 9 (nëntë) vjetësh dhe mbaron pas përfundimit të këtij afati ose kur ai/ajo arrin moshën 70 vjeç.
Kandidatët nëse zgjidhen, duhet të jenë në gjendje të mbajnë këtë detyrë për të paktën sa gjysmën e mandatit 9 – vjeçar, para se të arrijnë moshën 70 vjeç.
