Grabitje me armë te një bankë pranë stadiumit “Dinamo” në Tiranë, autori i merr lekët klientit

Një grabitje ka ndodhur brenda një banke të nivelit të dytë në Tiranë, ku një person i armatosur i ka marrë një klienti të bankës një shumë parash që ai po depozitonte.

Sipas informacioneve paraprake, autori ka hyrë në ambientet e bankës dhe, nën kërcënimin e armës, i ka marrë paratë qytetarit, duke u larguar më pas nga vendi i ngjarjes.

Forca të shumta policore kanë mbërritur në zonë dhe po punojnë për identifikimin dhe kapjen e autorit, si dhe për sqarimin e plotë të rrethanave të ngjarjes.

lajmi në perditesim